গৌৰীপুৰঃ ব্ৰহ্মপুত্ৰ অসমীয়া পৰিষদৰ ধুবুৰীৰ মুখ্য কাৰ্যালয়ত কেন্দ্ৰীয় সাধাৰণ সম্পাদক ছেলিম সেখয়ে এখন সংবাদ মেল পাতি ৰাজ্য চৰকাৰক ধিক্কাৰ আৰু সকিয়াই দিয়ে৷ সমগ্ৰ দেশত ৰূপায়ন হৈ থকা মধ্যাহ্ন ভোজন আঁচনি ৰাজ্য চৰকাৰে NGOক গতাই দিয়া কাৰ্যত ব্ৰহ্মপুত্ৰ অসমীয়া পৰিষদে ধিক্কাৰ দিছে৷ ১লাখ ১৭ হেজাৰ মহিলা ৰান্ধনীক চাকৰিৰ পৰা বঞ্চিত কৰাত আৰু ৰাজ্য চৰকাৰৰ এই সিদ্ধান্তক কোনোধ্যেই মানি নলয় ব্ৰহ্মপুত্ৰ অসমীয়া পৰিষদে৷ পৰিৱৰ্তনৰ কথা কৈ ক্ষমতাত থকা চৰকাৰৰ বিৰুদ্ধে ব্ৰহ্মপুত্ৰ অসমীয়া পৰিষদৰ অভিযোগ।
কি ৰাজহুৱা স্বাৰ্থত এনজিঅক গতাই দিয়া হ’ল আঁচনিখন৷ ৯০ শতাংশ মহিলা এই আঁচনিখনৰ লগত জড়িত হৈ আছে৷ এই মহিলাসকলক চাকৰিৰ পৰা গুচাই দিয়াৰ বাবে হয়তো আত্ম সমৰ্পণ কৰিবৰ বাবে বাধ্য হ’ব পাৰে৷ অসমৰ অসমীয়া মহিলাসকলৰ উপৰত শোষণ চলোৱা সহ্য কৰা নহ’ব৷ প্ৰতিখন জিলাত হেজাৰ হেজাৰ মধ্যাহ্ন ভোজন ৰান্ধনী কৰ্মী ১০০০ টকা মাহেলী পায়েই সংসাৰ চলাই আছে। এই পৰিৱৰ্তনৰ চৰকাৰখনেই অসমৰ ৰাইজক কৰ্ম সংস্থাপন দিব নোৱাৰে ব্ৰহ্মপুত্ৰ অসমীয়া পৰিষদৰ মন্তব্য।
