জামুগুৰিহাটঃ ক’ভিডসৃষ্ট পৰিৱেশ শামকতাৰ পিছত এতিয়া সজীৱ হৈ উঠিছে ৰাজ্যৰ খেলাপথাৰ সমূহ। জামুগুৰিহাটতো ৰাইজিং ফুটবল ক্লাবৰ উদ্যোগত অনুষ্ঠিত হোৱা প্ৰাইজমাণি ফুটবল প্ৰতিযোগিতাৰ দেওবাৰে সামৰণি পৰে। স্থানীয় গান্ধী বাকৰিত জয়সিদ্ধি ফুটবল দল আৰু বৰমতা ফুটবল ক্লাবৰ মাজত অনুষ্ঠিত ফাইনেল খেলাখন নিৰ্ধাৰিত সময়ত গ'ল শূণ্যভাৱে সামৰণি পৰে যদিও ট্ৰাইবেকাৰত জয়সিদ্ধি ফুটবল দলে বৰমতা ফুটবল ক্লাবক ৬-৫গ'লৰ ব্যৱধানত পৰাস্ত কৰিবলৈ সক্ষম হয়। কভি'ড সৃষ্ট পৰিৱেশৰ বাবে বহুদিন ক্ৰীড়াপ্ৰেমী ৰাইজো ঘৰৰ ভিতৰত আবদ্ধ হৈ আছিল যদিও এতিয়া কভি'ড পৰিস্থিতিৰ কিছু শামকতাত খেলৰ পৰিৱেশো লাহে লাহে ঘূৰি অহাত খেলপথাৰত দৰ্শকৰ উপস্থিতিও যথেষ্ট পৰিমাণে দেখিবলৈ পোৱা গৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।