গোলাঘাটঃ গোলাঘাটৰ নাঁওশলীয়া পথাৰ গাঁৱত চাঞ্চল্যকৰ ঘটনা৷ গাঁওখনৰ এজন লোক তিনিদিনৰ পৰা সন্ধানহীন হৈ থকাৰ পিছত আজি এখন চাহ বাগানৰ মাজত মৃতদেহ উদ্ধাৰ হয়৷ নাঁওশলীয়া পথাৰৰ কানীয়া বৰা (৬১) বুলি চিনাক্ত হোৱাৰ পিছত পৰিয়ালৰ লোকে হত্যাৰ কৰাৰ অভিযোগ উত্থাপন কৰে৷ পৰিয়ালৰ লোকৰ মতে কানীয়া বৰাৰ জোঁৱাইয়েক পূৰ্ণকান্ত বৰাই হত্যা কৰিছে কানীয়া বৰাক৷ যাৰ বাবে ঘটনাস্থলীত আৰক্ষী উপস্থিত হৈ অভিযুক্ত পূৰ্ণকান্ত বৰাক কমাৰবন্ধা আৰক্ষীয়ে সোধপোছৰ বাবে আটক কৰে৷ উল্লেখ্য যে মৃত লোকজনৰ শৰীৰত আঘাটৰ চিন থকা বুলি জানিব পৰা গৈছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।