কলগাছিয়াঃ বৰপেটা জিলাৰ ৰূপসী প্ৰাথমিক শিক্ষাখণ্ডৰ অন্তৰ্গত ৮৭২ নং তিতাপানী প্ৰাথমিক বিদ্যালয়ত শিক্ষকৰ অনিয়মীয়া উপস্থিতিয়ে অন্ধকাৰ নমাই আনিছে ছাত্ৰ-ছাত্ৰীৰ জীৱনলৈ। বিদ্যালয়খনত তিনি গৰাকী শিক্ষক আছে যদিও বিভিন্ন অজুহাত দেখুৱাই বিদ্যালয়ত অনুপস্থিত থাকে প্ৰধান শিক্ষক মুনিন্দ্ৰ দেৱ গোস্বামী। লগতে সহ শিক্ষক সকলেও মইমতালিৰে বিদ্যালয়ত অনুপস্থিত থকাৰ অভিযোগ কৰিছে স্থানীয় ৰাইজে।
আজি ছাত্ৰ-ছাত্ৰীসকলে বিদ্যালয়ত উপস্থিত হয় যদিও সহশিক্ষক দীপালীয়ে পুৱা ১০ বজাত হে উপস্থিত হয় বিদ্যালয়ত। আনহাতে প্ৰধান শিক্ষকৰ লগতে আন শিক্ষকসকলেও অনুপস্থিত থাকে বিদ্যালয়ত। এইদৰে প্ৰায় দিনবোৰত বিদ্যালয়ত অনুপস্থিত থকাত ক্ষোভিত হৈ পৰিছে স্থানীয় ৰাইজ। অনহাতে বিদ্যালয় পৰিচালনা সমিতিয়েও কোনো কানসাৰ দিয়া নাই বুলি অভিযোগ উত্থাপন হৈছে। ফলত সঠিকভাৱে বিদ্যালয় পৰিচালনাৰ লগতে নিয়মিত পাঠদান কৰাৰ উপৰিও বিভাগীয় কৰ্তৃপক্ষৰ সু-দৃষ্টি কামনা কৰিছে ৰাইজে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।