জামুগুৰিহাটঃ শোণিতপুৰ জিলাৰ জামুগুৰিহাটৰ অন্যতম শিক্ষানুষ্ঠান ত্যাগবীৰ হেমবৰুৱা মহাবিদ্যালয়ৰ ছাত্ৰ একতা সভাৰ নিৰ্বাচনত বৃহৎ জয় অখিল ভাৰতীয় বিদ্যাৰ্থী পৰিষদৰ৷ মহাবিদ্যালয় খনৰ নিৰ্বাচনত অখিল ভাৰতীয় বিদ্যাৰ্থী পৰিষদ জামুগুৰি শাখাই মনোনিত কৰা ১২ জন প্ৰাৰ্থী বিপুল ভোটত জয়ী হয়৷ সাধাৰণ সম্পাদকে ধৰি ১২ টাকৈ পদত জয়ী হোৱা প্ৰাৰ্থীসকলকলৈ এভিবিপিৰ জামুগুৰিহাট শাখাই ফটকা ফুটাই এক উৎসৱমুখৰ পৰিৱেশ সৃষ্টি কৰে জামুগুৰি ব্যৱসায়ীক কেন্দ্ৰত৷
জামুগুৰিহাটস্থিত এভিবিপিৰ মুখ্য কাৰ্য্যালয়ত নিৰ্বাচিত আটাইকেইগৰাকীকে উষ্ম সম্বৰ্ধনা জ্ঞাপন কৰে এভিবিপিৰ জামুগুৰিহাট শাখাৰ বিষয়ববীয়া সদস্যসকলে৷ ছাত্ৰ একতা সভাৰ এই নিৰ্বাচনত এভিবিপিক সমৰ্থন আগবঢ়োৱা বাবে গোৰ্খা ছাত্ৰ সন্থা আৰু মিচিং ছাত্ৰ সন্থাৰ জামুগুৰিহাট আঞ্চলিকৰ সমূহ বিষয়ববীয়া সদস্যৰ লগতে ত্যাগবীৰ হেমবৰুৱা মহাবিদ্যালয়ৰ সমূহ ছাত্ৰ-ছাত্ৰীক ধন্যবাদ জ্ঞাপন কৰে এভিবিপিৰ সদস্যসকলে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।