বাহাৰঘাটঃ যোৱা নিশা কামৰূপ গ্ৰাম্য জিলাৰ কঞাঁ আৰক্ষী থানাৰ অন্তৰ্গত বাৰাংহাটী চকীৰবৰি অঞ্চলত দুটি চুৰি কৰি অনা পিতলৰ মূৰ্ত্তিসহ এজন গভাইত চোৰক আটক কৰে৷ উল্লেখযোগ্য যে বাৰাংহাটী চকীৰবৰি অঞ্চলত একাংশ ৰাইজে নিশা এজন লোক সন্দেহজনকভাৱে চলা-ফুৰা কৰা অৱস্থাত দেখি আৰক্ষীক খৱৰ দিয়ে৷
লগে লগে কঞাঁ আৰক্ষীৰ তহলদাৰী দলে চোৰটোক আটক কৰি লগত থকা বেগটো খুলি মূৰ্ত্তি দুটা দেখি চোৰ বুলি নিশ্চিত হয়৷ ধৃত চোৰটোক থানালৈ আনি সোধ-পোছ অব্যাহত ৰাখে৷ সোধ-পোছত উদ্ধাৰ হোৱা মূৰ্ত্তি দুটা বৰভাগৰ ননৈ গাঁৱৰ হৰেকৃষ্ণ মূৰ্ত্তি বুলি স্বীকাৰোক্তি দিয়ে৷ ধৃত চোৰজন সন্ধা গাঁৱৰ দলৈ কলিতাৰ পুত্ৰ ৰিজু কলিতা বুলি স্বীকাৰ কৰে৷ আনহাতে চোৰটোৰ লগত অন্য পাঁচজন সহযোগী থকাৰ কথাও স্বীকাৰ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।