ডুমডুমাঃ জুৱা খেলক কেন্দ্ৰ কৰি তিনিচুকীয়াৰ ফিল'বাৰীত চাঞ্চল্যকৰ হত্যাকাণ্ড। ফিল'বাৰীৰ টিংখাং গাঁৱৰ সমীপত থকা কাঁচিজান বনাঞ্চলত উদ্ধাৰ হৈছে গোপী মূড়া নামৰ এজন লোকৰ মৃতদেহ।
দীপাৱলীৰ নিশা একেলগে জুৱা খেলা মনিৰাম দাসে হত্যা কৰাৰ অভিযোগ গোপী মূড়াক। পৱন তাঁতী নামৰ আন এজন লোকৰো হাত ভাঙি দিয়াৰ অভিযোগ মনিৰাম দাসৰ বিৰুদ্ধে।
অভিযুক্ত হত্যাকাৰী মনিৰাম দাস বৰ্তমান পলাতক। ইতিমধ্যে, আৰক্ষীয়ে গোপী মূড়াৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে তিনিচুকীয়ালৈ প্ৰেৰণ কৰিছে। ঘটনাক কেন্দ্ৰ কৰি সমগ্ৰ ফিল'বাৰীতেই চাঞ্চল্যই বিৰাজ কৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।