কামপুৰঃ দুটা মাহ ধৰি নগাঁও জিলাৰ কচুৱা আৰক্ষী চকীৰ অন্তৰ্গত জুৰিপাৰৰ পৰা এজন বিশেষভাৱে সক্ষম যুৱক নিৰুদ্দেশ হোৱাত অঞ্চলজুৰি চাঞ্চল্য সৃষ্টি হৈছে। উল্লেখ যে জুৰিৰ পাৰৰ মন্নাছ আলীৰ পুত্ৰ তাফাজুল ইছলাম নামৰ বিশেষভাৱে সক্ষম যুৱকজনে ঘৰৰ পৰা বজাৰ অভিমুখে আহি থকা অৱস্থাতে সন্ধানহীন হৈছিল।
প্ৰায় দুমাহ ধৰি বিকলাংগ যুৱকজন নিৰুদ্দেশ হোৱাত পৰিয়ালৰ লোকে বিভিন্ন ঠাইত বিচাৰিও আজিও সন্ধান উলিয়াব পৰা নাই। যাৰ ফলত উপায়হীন হৈ সংবাদ মাধ্যমৰ যোগেদি ৰাইজক বিশেষভাৱে সক্ষম যুৱকজনৰ সন্ধান পালে 9707506064 অথবা 9365441944 নম্বৰত যোগাযোগ কৰিবলৈ কাতৰ আহ্বান জনাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।