নিউজ ডেস্কঃ পুনৰ কলিয়াভোমোৰা দলঙত ভয়ংকৰ দুৰ্ঘটনা। দুদিনমান পূৰ্বে ৰ’ড কঢ়িওৱা ট্ৰাক কলিয়াভোমোৰা দলঙৰ ৰেলিং ভাঙি লুইতৰ বুকুত পৰাৰ পিছত এইবাৰ পুনৰ আন এখন ট্ৰাক কলিয়াভোমোৰাত দুৰ্ঘটনাত পতিত হৈ দলঙৰ ৰেলিং ভাঙি ওলমি ৰ’ল।
বৃহস্পতিবাৰে নিশা ১ বজাৰ পৰা ২ বজাৰ ভিতৰত সংঘটিত হোৱা এই দুৰ্ঘটনাৰ ফলত ট্ৰাকখনৰ হেণ্ডিমেনগৰাকী বৰ্তমানেও সন্ধানহীন হৈ আছে।বৰ্তমান সন্ধানহীন হেণ্ডিমেনগৰাকীৰ নাম দিলীপ তাছা।
ট্ৰাকখনৰ চালক মনোজ ছাহই এই বিষয়ে সদৰি কৰিছে।চালকগৰাকীয়ে সদৰি কৰা মতে তিনিচুকীয়াৰ পৰা আহি আছিল তেওঁলোক।কলিয়াভোমোৰা দলং পোৱাৰ পিছতে দুৰ্ঘটনা সংঘটিত হোৱা ঠাইত ট্ৰাকখনৰ ষ্টেয়েৰিং লক হৈ যায় আৰু এখন মালবাহী মেজিকৰ সৈতে সংঘৰ্ষ হয়।ইয়াৰ পিছতে ট্ৰাকখন বাগৰি গৈ দলঙৰ ৰেলিং ভাঙি কোনোমতে ওলমি ৰয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।