মাৰ্ঘেৰিটাঃ তিনিচুকীয়া জিলা সাংবাদিক সন্থাৰ উদ্যোগত মাৰ্ঘেৰিটা সাংবাদিক সন্থা আৰু ডিগবৈ প্ৰেছ ক্লাবৰ সহযোগত লিডু বজাৰ হাইস্কুল খেলপথাৰত অহা ২১ জানুৱাৰীৰ পৰা ২৪ জানুৱাৰী অসম বাৰ্তাজীৱী সংঘৰ ৪৫ সংখ্যক দ্বি-বাৰ্ষিক অধিবেশনৰ আয়োজন কৰা হৈছে।
অধিবেশনৰ প্ৰথম মুকলি সভা উদ্বোধন কৰিব সাদিন, সাতসৰী কাকতৰ সম্পাদক অনুৰাধা শৰ্মা পুজাৰী আৰু মুখ্য অতিথি হিচাহে উপস্থিত থাকিব প্ৰাগ নিউজৰ মুখ্য সম্পাদক প্ৰশান্ত ৰাজগুৰু আৰু ২৩ জানুৱাৰীত মুখ্য অতিথি হিচাপে উপস্থিত থাকিব মুখ্যমন্ত্ৰী ড০ হিমন্ত বিশ্ব শৰ্মা।উক্ত অধিবেশনৰ প্ৰতি সংগতি ৰাখি আজিৰ প্ৰথম কাৰ্য্যসুচী অনুসৰী লাইখুটা স্থাপন কৰে আদৰণি সমিতিৰ সভাপতি তথা মাৰ্ঘেৰিটা সমষ্টিৰ বিধায়ক ভাস্কৰ শৰ্মাই।
আজিৰ এই লাইখুটা স্থাপন কাৰ্য্যসুচীত বিধায়ক ভাষ্কৰ শৰ্মাৰ লগতে আঞ্চলিক পঞ্চায়েতৰ সদস্য, জিলা পৰিষদ সদস্য, গাঁও পঞ্চায়তৰ সভাপতি-সভানেত্ৰী, জিলাৰ সাংবাদিক আৰু অঞ্চলটোৰ গনমাণ্য ব্যক্তি উপস্থিত থাকি কাৰ্য্যসুচী খন সচাৰু ৰূপে পালন কৰা হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।