শালবাৰীঃ অহা ৭,৮ আৰু ৯ জানুৱাৰীত অনুষ্ঠিত হ'ব বাক্সা জিলাৰ নিখিল বড়ো ছাত্ৰ সন্থা চমুকৈ এবছু(ABSU)ৰ বাৰ্ষিক অধিৱেশন।খাৰিজা বিজনী এবছুৰ উদ্যোগত অনুষ্ঠিত হ'ব অধিৱেশনখন। সেই উপলক্ষে মইনামাতাৰ হেলচিগুৰীত প্ৰায় সম্পূৰ্ণ হৈ উঠিছে অধিৱেশনখনৰ কাম-কাজ। অধিৱেশনস্থলীত বিভিন্ন ধৰ্মাৱলম্বীলোকে শ্ৰমদানেৰে কঢ়িয়াই আনিছে সমন্বয়ৰ বাৰ্তা। অধিৱেশনখনত অংশগ্ৰহণকাৰীক আদৰিবলৈ নিৰ্মাণ কৰা হৈছে তোৰণ, প্ৰকাণ্ড মঞ্চ তথা মণ্ডপ। ইয়াৰোপৰি বাগুৰুম্বা নৃত্যৰ আখৰা অব্যাহত ৰাখিছে যুৱক-যুৱতিসকলে। অধিৱেশনখনক লৈ তৎপৰ হৈ পৰিছে আয়োজক তথা এবছু কৰ্মীসকল। উল্লেখ্য যে অধিৱেশনখনত বিটিআৰ প্ৰধান প্ৰমোদ বড়ো, এবছুৰ কেন্দ্ৰীয় সমিতিৰ সভাপতি দীপেন বড়োৰ লগতে বহুসংখ্য বিশিষ্ট অতিথি উপস্থিত থাকিব।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।