ৰঙিয়াঃ আজি ২ অক্টোবৰ জাতিৰ পিতা মহামানৱ মহাত্মা গান্ধীৰ জন্মদিন। এই দিনটোতে সমগ্ৰ দেশৰ জনসাধাৰণে মহামানৱ গৰাকীক শ্ৰদ্ধাৰে সোঁৱৰণ কৰিছে। ৰঙিয়াটো পুৱাৰ ভাগত ৰাজ্যিক বিজেপিৰ সভাপতি ভৱেশ কলিতাই চহৰৰ সোমাজত থকা জাতিৰ পিতা মহাত্মা গান্ধীৰ প্ৰতিমূৰ্তিত উপস্থিত হৈ মহান ব্যক্তি গৰাকীক শ্ৰদ্ধাঞ্জলি জনাই। গান্ধীৰ প্ৰতিমূৰ্তিত প্ৰথমে বন্তি প্ৰজ্বলন কৰি প্ৰথমে "কপাহ"ৰ মালা অৰ্পণ কৰি শ্ৰদ্ধা জনাই। ইয়াৰ পিচতে ভৱেশ কলিতাই ফুলৰ মালা অৰ্পন কৰি জাতিৰ পিতা জনক স্মৰণ কৰে। মহামানৱ গৰাকীয়ে কেনেদৰে আমাক স্বাধীনতা দি গ'ল। কেনেদৰে নিজে উৎপাদন কৰা বস্তু ব্যৱহাৰৰ কৰি আমাৰ দেশবাসীক স্বাধীনতাৰ সোৱাদ দিলে সেই বিষয়ে শ্ৰদ্ধাঞ্জলি অনুষ্ঠানত উপস্থিত থকা সকলোকে অবগত কৰে। ইয়াৰ পিচতে বিধায়ক তথা বিজেপিৰ সভাপতিগৰাকীয়ে স্বচ্ছ অভিযানত অংশগ্ৰহণ কৰি পদযাত্ৰা কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।