কামপুৰঃ নগাঁও জিলাৰ অন্যতম শিক্ষা প্ৰতিষ্ঠান ননৈ উচ্চতৰ মাধ্যমিক বিদ্যালয়ে অহা ২৫, ২৬ আৰু ২৭ নবেম্বৰত তিনিদিনীয়া কাৰ্যসূচীৰে মহাৰজত জয়ন্তী উদযাপনৰ প্ৰস্তুতি প্ৰায় সম্পূৰ্ণ ৰূপে আগবাঢ়িছে বুলি অধ্যক্ষ সঞ্জীৱকুমাৰ কলিতা আৰু উপাধ্যক্ষ অৰ্পনা বৰাই জানিবলৈ দিয়ে। অধ্যক্ষ গৰাকীয়ে প্ৰাক্তন শিক্ষাৰ্থী, উদযাপন সমিতি, বিদ্যালয়ৰ সমূহ শিক্ষক-শিক্ষয়িত্ৰী, আৰু অঞ্চলবাসীৰ যথেষ্ট সহায় সহযোগিতা পাইছে বুলি গৌৰৱ কৰিছে লগতে অসমৰ মুখ্যমন্ত্ৰী, স্বাস্থ্যমন্ত্ৰী, বিধায়ক ৰূপক শৰ্মা, শশীকান্ত দাস আৰু স্থানীয় বিধায়কৰ যথেষ্ট সহায় পাবলৈ সক্ষম হৈছে বুলি কয়। মহাৰজত জয়ন্তী উদযাপন সমিতিৰ সভাপতি যোগেশ্বৰ শইকীয়া, কাৰ্যকৰী সভাপতি ফণীধৰ বৰা সম্পাদক সঞ্জীৱকুমাৰ কলিতাই তিনিওটা দিনৰ কাৰ্যসূচী ভাগ লবলৈ সকলোৰে প্ৰতি বিনম্ৰ আহ্বান জনাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।