কামপুৰঃ সদৌ অসম কবি সন্মিলনৰ অন্তৰ্ভুক্ত তথা নগাঁও জিলা কবি সন্মিলনৰ অধীনৰ কামপুৰ আঞ্চলিক কবি সন্মিলনৰ মাহেকীয়া কবিমেল খনি আজি কচুৱা মধ্য ইংৰাজী বিদ্যালয়ত অনুষ্ঠিত হয়। কবি মেলৰ আৰম্ভণিতে উদ্দেশ্য ব্যাখ্যা কৰে কামপুৰ আঞ্চলিক কবি সন্মিলনৰ সম্পাদক প্ৰদ্যুম্ন বৰাই। কামপুৰ আঞ্চলিক কবি সন্মিলনৰ সভাপতি গুণ কাকতীৰ সভাপতিত্বত অনুষ্ঠিত হোৱা কবিমেল খনৰ পৰ্যালোচনা কৰে নগাওঁ কবি সন্মিলনৰ প্ৰাক্তন সম্পাদক মদাৰ জ্যোতিয়ে। কবি মেলখনত উপস্থিত থাকে নগাঁও জিলা কবি সন্মিলনৰ সভাপতি দ্বিজেন্দ্ৰ নাথ হাজৰীক; উপ সভাপতা শশী কেওট;সম্পাদক ৰাজু সমিৰন;কামপুৰ আঞ্চলিকৰ সম্পাদক প্ৰদ্যুন্ম বৰা আদি। অনুষ্ঠানটোত ২৫ গৰাকী ন পুৰনি কবিয়ে কবিতা পাঠ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।