ধুবুৰীঃ ধুবুৰী প্ৰেছ ক্লাবৰ সৌজন্যত গৌৰীপুৰ ৰাজ পৰিয়ালৰ সহযোগত প্ৰমথেশ বৰুৱাৰ ১১৯ সংখ্যক জন্মজয়ন্তী পালন কৰা হয়। ভাৰতীয় চলচিত্ৰ জগতৰ প্ৰবাদ পুৰুষ তথা গৌৰীপুৰৰ ৰজা প্ৰমথেশ বৰুৱাৰ ১১৯ সংখ্যক জন্মজয়ন্তী উপক্ষে ধুবুৰী চহৰৰ ১ নম্বৰ ৱাৰ্ডস্থিত তেতুলতলাত বিভিন্ন বৰ্ণাঢ্য কাৰ্যসুচী পালন কৰা হয়। উক্ত অনুষ্ঠানত ধুবুৰী পৌৰসভাৰ পৌৰপতি ডাঃ দেৱময় সান্যাল, গৌৰীপুৰ ৰাজপৰিয়ালৰ সদস্য তথা প্ৰমথেশ বৰুৱাৰ নাতিনী মৌচুমী বৰুৱাৰ লগতে সমাজসেৱক সিমুল সৰকাৰ আৰু সংবাদজগতৰ তথা ধুবুৰী প্ৰেছ ক্লাবৰ সদস্যসকল উপস্থিত থাকে। আজিৰ এই অনুষ্টানৰ কাৰ্যসুচীমতে প্ৰমথেশ বৰুৱাৰ প্ৰতিচ্ছবিত মাল্যাৰ্পণ কৰে প্ৰমথেছ বৰুৱাৰ নাতিনী মৌচুমী বৰুৱাই। বন্তি প্ৰজ্বলন কৰে ধুবুৰী পৌৰসভাৰ পৌৰপতি ডাঃ দেৱময় সান্যালে। তাৰপাছতে উপস্থিত সকলোৱে প্ৰমথেছ বৰুৱাৰ প্ৰতিচ্ছবিৰ সন্মুখত পুষ্পাঞ্জলিৰে শ্ৰদ্ধা নিবেদন কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।