লখিমপুৰঃ লখিমপুৰ জিলাৰ হাৰমতি উচ্চতৰ মাধ্যমিক বিদ্যালয়ৰ খেলপথাৰত আজিৰে পৰা তিনিদিনীয়া কাৰ্যসূচীৰে সদৌ অসম ভাওনা সমাৰোহৰ আয়োজন কৰিছে। হাৰমতি আঞ্চলিক ছাত্র সন্থাৰ উদ্যোগত তথা হাৰমতি ৰাইজৰ সহযোগত আয়োজন কৰা সদৌ অসম ভাওনা সমাৰোহত অংশগ্ৰহণ কৰিব অসমৰ বিভিন্ন প্ৰান্তৰ ভাওনা দলে৷ আজি পুৱা সদৌ অসম ছাত্র সন্থাৰ পতাকা উত্তোলন কৰে হাৰমতি আঞ্চলিক ছাত্র সন্থাৰ সভাপতি ৰঞ্জিত স্বৰ্গীয়াৰীয়ে আৰু ভাওনা সমাৰোহৰ পতাকা উত্তোলন কৰে উদযাপন সমিতিৰ সভাপতি ৰমা শইকীয়াই। পতাকা উত্তোলন অনুষ্ঠানতে অসমৰ জনপ্ৰিয় অভিনেতা নিপন গোস্বামীৰ বাবে এক মিনিট সময় মৌন প্ৰাৰ্থনা কৰি শোক প্ৰকাশ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।