বিহালীঃ শ্ৰীকৃষ্ণ বন্দনাৰে মুখৰিত ৰাজ্যবাসী। শ্ৰীকৃষ্ণৰ ৰাসলীলালৈ মাজত মাত্র কেইটিমান দিন। ইতিমধ্যে ৰাজ্যৰ চৌদিশে আৰম্ভ হৈছে ৰাসৰ আখৰা। উখল-মাখল পৰিৱেশে বিৰাজ কৰিছে এতিয়া ৰাজ্যৰ ৰাস মঞ্চ সমূহত। তাৰ সমান্তৰাল কৈ বিহালীতো ব্যাপক প্ৰস্তুতি চলিছে ৰাস মহোৎসৱক লৈ। আজি বিহালীৰ ৰাস মহোৎসৱৰ লাইখুটাঁ স্থাপন কৰা হয়। বিহালী যুৱ সংঘ , মহিলা সমিতি আৰু বিহালী বাসী ৰাইজৰ সহযোগত বিগত সাত বছৰে অনুষ্ঠিত হৈ অহা বিহালী ৰাস মহোৎসৱৰ লাইখুটাঁ উদ্বোধন কৰে আজি বিহালী আৰক্ষী থানাৰ ভাৰপ্ৰাপ্ত আৰক্ষী বিষয়া হৰেণ গগৈ। অহা ২৩ আৰু ২৪ নবেম্বৰ তাৰিখে দুদিনীয়া কাৰ্যসূচীৰে অনুষ্ঠিত হ’ব বিহালীৰ এই ৰাস মহোৎসৱ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।