বিলাসীপাৰাৰ নায়েৰ আলগাত আৰক্ষীৰ বৃহৎ অভিযান

 বিলাসীপাৰাৰ নায়েৰ আলগাত আৰক্ষীৰ বৃহৎ অভিযান। নায়েৰ আলগা উপ আৰক্ষী চকীৰ ভাৰপ্ৰাপ্ত বিষয়া হবিবৰ ৰহমানৰ নেতৃত্বত চৰ অঞ্চলৰ বিভিন্ন প্ৰান্তত চোৰাং বাইকৰ বিৰুদ্ধে আৰক্ষীয়ে চলায় অভিযান। অভিযানত বয়জেৰ আলগা তৃতীয় খণ্ড গাঁৱৰ চৰ অঞ্চলৰ পৰা ১১ খনকৈ চোৰাং বাইক জব্দ কৰিবলৈ সক্ষম হয় নায়েৰ আলগা আৰক্ষীয়ে। বাইক চুৰি ছিণ্ডিকেটৰ লগত জড়িত কুখ্যাত চোৰ ময়নুদ্দিন মণ্ডলক গ্ৰেপ্তাৰ কৰিবলৈ সক্ষম হয় আৰক্ষীয়ে। ময়নুদ্দিন মণ্ডল বয়জেৰআলগাৰ দুধৰ্ষ ডকাইত সঞ্জাৱ আলীৰ পুত্ৰ। ময়নুদ্দিনৰ পৰা অধিক তথ্য সংগ্ৰহ কৰাৰ বাবে নায়েৰ আলগা আৰক্ষীয়ে জেৰা অব্যাহত ৰাখিছে। এই ছিণ্ডিকেট চক্ৰত বহুতো ৰৌ-বৰালি জড়িত থকাৰ সন্দেহ আৰক্ষীৰ। সঠিক তদন্ত কৰিলে জ্বালত পৰিৱ আৰু বহুতো ৰথী মহাৰথী।