নলবাৰীত পানীত উটি অহা অজগৰ উদ্ধাৰ

নলবাৰী: নলবাৰীত বানৰ সংহাৰী ৰূপ অব্যাহত থকাৰ সময়তে জিলাখনৰ ১৫০ খন গাঁও বানৰ কবলত পৰিছে। চৌদিশে অসহায়, হাহাকাৰ বন্যাৰ্তৰ। বানপানীৰ কবলত ৭৬৪০ হেক্টৰ কৃষি ভূমি।

ইপিনে এই বানতে বৃহস্পতিবাৰে নিশা নলবাৰীৰ হৰিপুৰত এডাল প্ৰকাণ্ড অজগৰ পানীৰ সোঁতত ভাহি আহি এজোপা বাঁহৰ ডালত আশ্ৰয় লোৱাৰ সময়তে স্থানীয় ৰাইজে প্ৰত্যক্ষ কৰে আৰু তাৰে পিছতে ৰাইজে বন বিভাগক অৱগত কৰে যদিও আজি পুৱাৰ ভাগতহে বন বিভাগে অজগৰডাল উদ্ধাৰ কৰিবলৈ সক্ষম হয়।