লংকাঃ লংকা আৰক্ষীৰ গাড়ী চুৰি চক্ৰৰ সদস্য আটক। ডিমাপুৰত বলেৰ’ পিকআপ গাড়ী বিক্ৰী কৰি লামডিং অসংৰক্ষিত বনাঞ্চলত গাড়ী চোৰ হোৱাৰ নাটক কৰি আৰক্ষীৰ হাতত আটক চুলেমান আলি(নগাঁও), ৰিজু খান(জুৰীয়া), জিয়াবুৰ ৰহমান আৰু কুটুবুদ্দিন। ঘটনা সন্দৰ্ভত জানিব পৰা মতে বৃহস্পতিবাৰে নিশা হোজাই জিলাৰ লামডিং অসংৰক্ষিত বনাঞ্চলৰ মাজত অচিনাক্ত দুৰ্বৃত্তই বলেৰ’ পিকআপ ভান AS 02 BC 1960 নম্বৰৰ গাড়ীখন লামডিং অভিমূখে গৈ থকা অৱস্থাত অচিনাক্ত কোনো দুৰ্বৃত্তই অস্ত্ৰ দেখুৱাই ভয় ভাবুকিৰে গাড়ী ৰখাই, চালক আৰু হেন্দিমেনক গাড়ীৰ পৰা নমাই গাড়ীখন লৈ যায় বুলি লংকাৰ উদালী আৰক্ষী চকীত এজাহাৰ দাখিল কৰিছিল গাড়ীৰ স্বত্বাধিকাৰ চুলেমান আলীয়ে।
পিছত উক্ত ঘটনা সন্দৰ্ভত জিলা উপ আৰক্ষী অধীক্ষক, উদালী আৰু লংকা আৰক্ষী ঘটনাস্থলীত উপস্থিত হৈ তদন্ত চলাই গাড়ীৰ হেন্দিমেন আৰু চালকক সন্দেহবশতঃ জেৰা কৰাত অন্য এক ঘটনাহে পোহৰলৈ আহে| উল্লেখ্য যে গাড়ীৰ স্বত্বাধিকাৰ চুলেমান আলীয়ে ফাইনেন্স কোম্পানীক গাড়ীৰ ৮ টাকৈ কিস্তি পৰিশোধ কৰিব নোৱাৰাত ফাইনেন্স কোম্পানীৰ পৰা ধন আত্মসাতৰ লালসাত উক্ত গাড়ীখন যোৱা ১৬ জুলাই তাৰিখে ডিমাপুৰত বিক্ৰী কৰি গাড়ী অপহৰণ হৈছে বুলি মনে ৰচা এক অভিনয় কৰিছিল।
পিছত লংকা আৰক্ষীৰ অনুসন্ধানত সামগ্ৰীক ঘটনা পোহৰলৈ অহাত গাড়ীৰ স্বত্বাধিকাৰসহ চাৰি গাড়ী চুৰি চক্ৰৰ সদস্যক আটক কৰি হোজাই জিলা প্ৰশাসনে ঘটনা সন্দৰ্ভত তদন্ত চলাই আছে। বৰ্তমান লামডিং আৰক্ষীৰ জিম্মাত ধৃত চাৰি গাড়ী চুৰি চক্ৰৰ সদস্য।
