ধুবুৰীৰ পলায়ন কৰা কয়দীক গোৱালপাৰাত আটক

গৌৰীপুৰঃ ধুবুৰীত যোৱা বুধবাৰে প্ৰলয়ংকৰী বানৰ সুযোগলৈ হাফিজুৰ ৰহমান নামৰ কয়দী এজন পলায়ন কৰিছিল৷ উল্লেখ্য যে ধুবুৰী কাৰাগাৰত প্ৰায় দুই মিটাৰ পানী ওফন্দি উঠাত কাৰাগাৰৰ কয়দীসকলক জিলা প্ৰশাসনে স্থানান্তৰ কৰিবৰ বাবে এক নিৰ্দেশ দিয়াত ধুবুৰী ছোৱালী উচ্চতৰ মাধ্যমিক বিদ্যালয়লৈ সোমবাৰে নিশা ৪০৯ গৰাকীকৈ কয়দীক স্থানান্তৰিত কৰা হৈছিল৷

পিছে বুধবাৰে নিশা হাফিজুৰ ৰহমান নামৰ কয়দীজনে পানীত জাপমাৰি পলাই পত্ৰং দিয়ে৷ পিছে ধুবুৰী আৰক্ষীয়ে অভিযান চলাই গোৱালপাৰাৰ পৰা আজি আটক কৰি ধুবুৰীলৈ নিয়ে৷ অভিযুক্ত কয়দীজনৰ বিৰুদ্ধে ধুবুৰী সদৰ আৰক্ষী থানাত ধৰ্ষণৰ গোচৰ আছিল৷ বিগত দহমাহমান পূৰ্বৰে পৰা ধৰ্ষণৰ গোচৰত ধুবুৰী জিলা কাৰাগাৰত আছে৷