লংকাঃ শুকুৰবাৰে লংকা চহৰৰ মাজমজিয়াত দিনদুপৰতে ডেগাৰেৰে আক্ৰমণ কৰা এক চাঞ্চল্যকৰ ঘটনা সংঘটিত হয়৷ ভনীয়েকক ধৰ্ষণ কৰা ধৰ্ষণকাৰীক ডেগাৰেৰে আক্ৰমণ কৰি হত্যা কৰাৰ চেষ্টা চলায় ধৰ্ষণৰ বলী হোৱা যুৱতীৰ দুই ককায়েকে৷ আইজুল হক নামৰ যুৱকজনক ডেগাৰেৰে আক্ৰমণ কৰে মহৰ আলী আৰু তহৰ আলীয়ে| লংকাৰ মাছবজাৰৰ কাষতে থকা বাজাজ ডিলাৰৰ কাষতে সংঘটিত হয় এই চাঞ্চল্যকৰ ঘটনা।
ডেগাৰৰ আক্ৰমণত তেজেৰে লুটুৰি-পুতুৰি হৈ পৰা আইজুল হকক ততাতৈয়াকৈ সংকটজনক অৱস্থাত লংকাৰ ব্যক্তিগত চিকিৎসালয় লংকেশ্বৰী হাস্পতালত ভৰ্ত্তি কৰোৱা হয়৷ লংকা মাছবজাৰৰ সমীপৰ বাজাজ ডিলাৰৰ কাষত দুপৰীয়া সংঘটিত হয় এই ঘটনা| ঘটনাস্থলীত উপস্থিত থকা ৰাইজে লগে লগে আটক কৰি লংকা আৰক্ষীৰ হাতত গতাই দিয়ে আক্ৰমনকাৰী দুই ককায়েক-ভায়েক ক্ৰমে মহৰ আলী আৰু তহৰ আলীক৷
সংকটজনক অৱস্থাত চিকিৎসাধীন হৈ আছে আইজুল হক নামৰ ধৰ্ষণৰ অভিযোগ উঠা যুৱকজন৷ উল্লেখ্য যে বৃহস্পতিবাৰে নিশা মহৰ আলী আৰু তহৰ আলীৰ ভনীয়েকক আইজুল হকে ধৰ্ষণ কৰাৰ বাবে প্ৰতিশোধ লোৱাৰ বাবে ডেগাৰেৰে আক্ৰমণ কৰে| বৰ্তমান লংকা আৰক্ষীৰ জিম্মাত থকা দুই ককায়েক ভায়েকে এই আক্ৰমনৰ ঘটনা স্বীকাৰ কৰিছে৷
