গহপুৰত স্বাধীনতা দিৱস পালন

গহপুৰঃ আজি দেশৰ ৭৩ সংখ্যক স্বাধীনতা দিৱস। গহপুৰৰ হাইস্কুল খেলপথাৰত উলহ মালহেৰে উদযাপিত হ'ল স্বাধীনতা দিৱস। পুৱা পতাকা উত্তোলন আৰু অভিভাষন প্ৰদান কৰে গহপুৰ মহকুমাৰ মহকুমাধিপতি নৰেন্দ্ৰ কুমাৰ শ্বাহে। ইয়াৰ পিছতে আৰক্ষী জোৱান আৰু এনচিচি কেডেট, স্কাউট গাইডৰ শিক্ষাৰ্থীসকলে পেৰেড প্ৰদৰ্শন কৰে।

গহপুৰ মহকুমা প্ৰশাসনৰ উদ্যােগত অনুষ্ঠিত হোৱা স্বাধীনতা দিৱস উপলক্ষে বাৰেৰহনীয়া কৃষ্টি সংস্কৃতিৰ কাৰ্যসূচীয়ে জীপাল কৰি তোলে সমগ্ৰ পৰিৱেশ। উল্লেখ্য যে গহপুৰ অঞ্চলৰ কেইবাগৰাকীও মুক্তিযোদ্ধাক গহপুৰ মহকুমা তৰফৰ পৰা সম্বৰ্ধনা জ্ঞাপন কৰা হয়। উক্ত স্বাধীনতা দিৱসৰ কাৰ্যসূচীত গহপুৰৰ বিধায়ক উৎপল বৰাৰ লগতে যথেষ্ট সংখ্যক ৰাইজো উপস্থিত থাকে।