বিজনীঃ দেওবাৰে চিৰাং জিলাৰ বিজনীৰ তৰুণ দত্ত অতিথি নিৱাসত বিজেপিৰ অসম ৰাজ্যিক কমিটীৰ সম্পাদিকা হিমানী অধিকাৰীয়ে এখন সংবাদ মেল সম্বোধন কৰে। মূলতঃ আগন্তুক বিটিচি নিৰ্বাচনক কেন্দ্ৰ কৰিয়েই ৰাজ্যিক সম্পাদিকা হিমানী অধিকাৰীয়ে সম্বোধন কৰে এই সংবাদ মেল। আগন্তুক বিটিচি নিৰ্বাচনত বিজেপি দলে অধিক সক্ৰিয়ভাৱে অংশগ্ৰহণ কৰি বিটিচি পৰিষদীয় চৰকাৰ গঠন কৰিব বুলি ৰাজ্যিক সম্পাদিকাগৰাকীয়ে তাৎপৰ্যপূৰ্ণ মন্তব্য কৰে।
আনহাতে আন ৰাজ্যত বিজেপিত সদস্য ভৰ্তি অভিযান সমাপ্ত হৈছে যদিও বিটিএডিত এই অভিযান অহা ৭ ছেপ্টেম্বৰলৈ চলিব বুলিও ৰাজ্যিক সম্পাদিকা হিমানী অধিকাৰীয়ে সংবাদ মেল যোগে ঘোষণা কৰে। সংবাদ মেলখনত বিজেপিৰ অসম ৰাজ্যিক কমিটীৰ কাৰ্যনিৰ্বাহক সদস্য তথা চিৰাং জিলা প্ৰভাৰী অনিল চন্দ্ৰ দাস, চিৰাং জিলা বিজেপিৰ সভাপতি বিপ্লৱ দেৱনাথ আৰু সম্পাদক ৰিণ্টু কুমাৰ দাস উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।