ৰূপহীহাট: দেশৰ বিভিন্ন প্ৰান্তত কাম বিচাৰি ভিৰ কৰে অসমৰ শ্ৰমিকসকলে। এয়া কোনো নতুন কথা নহয়। অসমত কৰ্মহীনতাৰ ভয়ংকৰ পৰিণতি। এইবাৰ কেৰেলাৰ পৰা আহোতে মাজ বাটৰ পৰা নিৰুদ্দেশ হ'ল অসমৰ শ্ৰমিক। প্ৰায় ২০ দিন আগতে কেৰেলাৰ পৰা কাম কৰি ঘৰলৈ আহি আছিল নগাঁৱৰ ৰূপহীহাটৰ শ্ৰমিক আব্দুল ছালাম।
কিন্তু হঠাৎ হাওৰা ৰে'লৱে ষ্টেচনৰ পৰা নিৰুদ্দেশ হয় শ্ৰমিকজন। শ্ৰমিকজনৰ নিৰুদ্দেশ হোৱাৰ খবৰ পাই শোকত ভাগি পৰিছে পৰিয়ালৰ লোক। বহুত বিচাৰ খোচাৰ কৰাৰ পিছত ইতিমধ্যে শ্ৰমিকজনৰ নিৰুদ্দেশ হোৱা সৰ্ন্দভত পৰিয়ালৰ লোকে ৰূপহীহাট আৰক্ষী থানাত গোচৰ ৰুজু কৰিছে যদিও এতিয়ালৈকে কোনো শুংসূত্ৰ নোপোৱাত এতিয়া অধিক চিন্তিত হৈ পৰিছে পৰিয়ালৰ লোক।
যদি কোনো সদাশয় ব্যক্তিয়ে শ্ৰমিকজনৰ সন্ধান পায় তেন্তে ৯৩৬০০২৬৮০৬ এই নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।