৩১ নং ৰাষ্ট্ৰীয় ঘাইপথত পথ দুৰ্ঘটনা: এজন নিহত

গৌৰীপুৰ: ধুবুৰী জিলাৰ ৩১ নং ৰাষ্ট্ৰীয় ঘাইপথত শনিবাৰে সংঘটিত হৈছে এক পথ দুৰ্ঘটনা। দুৰ্ঘটনাটোত থিতাতে নিহত হৈছে এজন লোক আৰু আন এজন গুৰুতৰভাবে আহত হৈছে। নিহত লোকজন হৈছে বালাজান ১ম খণ্ডৰ আইজুল হক(৩২)।

শনিবাৰে ৰাতি ১১:০০ মান বজাত সংঘটিত হয় এই পথ দুৰ্ঘটনাটো। জানিব পৰা মতে গোলকগঞ্জ বিন্যাছৰাৰ পৰা গুৱাহাটী অভিমুখী যাত্ৰীবাহী AS 17B 6731 নম্বৰৰ বাছখনে নিয়ন্ত্ৰণ হেৰুৱাই তীব্ৰ বেগেৰে আহি বাঁহ ভৰ্ত্তি ম'হৰ গাড়ী এখনক খুন্দা মাৰে।।

আহতজনক স্থানীয় ৰাইজ আৰু গোলকগঞ্জ আৰক্ষীৰ তৎপৰতাত সম্প্ৰতি ধুবুৰী অসামৰিক চিকিৎসালয়ত ভৰ্তি কৰা হৈছে। আহতজনৰ নাম আবেদ আলী।