দলগাঁও: অন্যান্য বছৰৰ দৰে এইবেলিও পপুলাৰ ফ্ৰণ্ট অফ ইণ্ডিয়াৰ দৰং জিলা সমিতিৰ তৰফৰ পৰা পবিত্ৰ ৰমজান মাহৰ ৰোজা উপলক্ষে সমগ্ৰ অসমৰ ইছলাম ধৰ্মৰ ৰাইজৰ লগতে দলগাঁও আঞ্চলিকৰ তৰফৰ পৰা ৰোজা ৰখা দৰিদ্ৰ পৰিয়ালৰ মাজত ইফতাৰৰ খাদ্য সামগ্ৰী বিতৰণ কৰা হয়।
তদুপলক্ষে আজি দলগাঁওত উক্ত সামগ্ৰীসমূহ পপুলাৰ ফ্ৰণ্ট অফ ইণ্ডিয়াৰ দলগাঁৱৰ আঞ্চলিক কৰ্মকৰ্তাসকলে বিতৰণ কৰে। উল্লেখ্য যে উক্ত ইফতাৰৰ খাদ্য সামগ্ৰীৰ পেকেটত চাউল, চেনি, খেজুৰ, দালি, মিঠাতেল আদি এটা পৰিয়ালৰ বাবে প্ৰদান কৰা হৈছে।
দলগাঁৱৰ দৰিদ্ৰ ৰাইজৰ মাজত আজি উক্ত ইফতাৰৰ খাদ্য সামগ্ৰীসমূহ বিতৰণ কৰা হয়। পপুলাৰ ফ্ৰণ্ট অফ ইণ্ডিয়া এনে মানবীয় কাৰ্যক দৰিদ্ৰ পৰিয়াল আৰু সচেতন ৰাইজে প্ৰশংসা কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।