জামুগুৰিহাটঃ জামুগুৰিহাটৰ টৌভঙাৰ জগত মেছ নামৰ লোকজনৰ ঘৰত আজি পুৱা এটি বিৰল প্ৰজাতিৰ কাছ উদ্ধাৰ হোৱাক লৈ ৰাইজৰ মাজত কৌতুহল সৃষ্টি কৰে৷ পিছত এই সন্দৰ্ভত স্থানীয় প্ৰকৃতিপ্ৰেমী সচেতন যুৱকে বন্যপ্ৰাণী বিভাগক খৱৰ দিয়াত বিশ্বনাথ বন্যপ্ৰাণী সংমণ্ডলৰ পশ্চিম আঞ্চলিক কাৰ্য্যালয়ৰ দুগৰকী বনকৰ্মী অহি বিৰল প্ৰজাতিৰ কাছটিক Malayan box turtle.(Local name -ঢুৰা কাছ) বুলি চিনাক্ত কৰে৷ বনকৰ্মীসকলে পিছত বিৰল প্ৰজাতিৰ কাছটিক উদ্ধাৰ কৰি নি কাজিৰঙাৰ ষষ্ঠ সংযোজনত এৰি দিয়াৰ ব্যৱস্থা কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।