ৰঙাপৰা: শোণিতপুৰ জিলাৰ ৰঙাপৰাত আজি ঘোষণা কৰা উচ্চতৰ মাধ্যমিক চূড়ান্ত পৰীক্ষাৰ ফলাফলক লৈ শিক্ষক, অভিভাৱক আৰু শিক্ষাৰ্থীসকলৰ মাজত আনন্দমুখৰ পৰিবেশ দেখিবলৈ পোৱা গৈছে।ৰঙাপৰা উচ্চতৰ মাধ্যমিক বিদ্যালয়ৰ পৰীক্ষা কেন্দ্ৰত ৩ খন বিদ্যালয়ৰ মুঠ ২৪৩ গৰাকী ছাত্ৰ-ছাত্ৰীয়ে কলা বিভাগৰ পৰীক্ষাত অৱতীৰ্ণ হৈছিল।
তাৰে ৪ জনে প্রথম বিভাগ (৪গৰাকী লেটাৰ নম্বৰ), ২১ জন দ্বিতীয় বিভাগত (১গৰাকী লেটাৰ নম্বৰ) আৰু ৬৪ জন তৃতীয় বিভাগত উত্তীৰ্ণ হয়। আনহাতে ৰঙাপৰা অঞ্চলৰ দ্বিতীয়টো কেন্দ্র ৰঙাপৰা মহাবিদ্যালয়ৰ কলা শাখাত মুঠ ৩০৩ গৰাকী পৰীক্ষাৰ্থী অৱতীৰ্ণ হয়। তাৰে ৯১ জন পৰীক্ষাৰ্থী উত্তীৰ্ণ হয়। ইয়াৰ ৩ জন প্ৰথম বিভাগত, ২১ জন দ্বিতীয় বিভাগত আৰু ৬৭ জন তৃতীয় বিভাগত উত্তীৰ্ণ হয়।
আনহাতে ৰঙাপৰা মহাবিদ্যালয়ৰ বাণিজ্য বিভাগত ৯৫ গৰাকী ছাত্র-ছাত্ৰী অৱতীৰ্ণ হয় যদিও ৪৬ গৰাকী ছাত্র-ছাত্ৰী উত্তীৰ্ণ হবলৈ সক্ষম হয়। দুগৰাকী প্ৰথম বিভাগত, ৭ গৰাকী দ্বিতীয় বিভাগত আৰু ৩৭ গৰাকী তৃতীয় বিভাগত উত্তীৰ্ণ হয়।
