লক্ষীপুৰঃ গোৱালপাৰা জিলাৰ ধুমেৰঘাটত অঘটন। জিঞ্জিৰাম নদীৰ পৰা উদ্ধাৰ এগৰাকী পাঁচ বছৰীয়া কণমানিৰ মৃতদেহ। মৃতদেহটো ধূমেৰঘাটৰ চাৰালঝাৰ গাঁৱৰ জয়ান উদ্দিনৰ ৫ বছৰীয়া কইনা তাহিমা পাৰ্ভিন বুলি চিনাক্ত। এই ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে। স্থানীয় লোকৰ বিৱৰণিমতে দেওবাৰে নিজ ঘৰৰ সন্মুখত খেলি থাকোতে নিৰুদ্দেশ হৈছিল শিশুটি।
আজি শিশুটিৰ ঘৰৰ ওচৰতে থকা জিঞ্জিৰাম নৈত শিশুটিৰ মৃতদেহ ওপঙি থকা প্ৰত্যক্ষ কৰে স্থানীয়লোকে। স্থানীয়লোকে ঘটনা সংক্ৰান্তত ধূমেৰঘাট আৰক্ষীক খবৰ দিয়ে। ধূমেৰঘাট আৰক্ষীয়ে ঘটনাস্থলীত উপস্থিত হৈ শিশুটিৰ মৃতদেহ উদ্ধাৰ কৰি মৰনোত্তৰ পৰীক্ষাৰ বাবে গোৱালপাৰা অসামৰিক চিকিৎসালয়লৈ প্ৰেৰণ কৰে। শিশুটিৰ আকস্মিক দুৰ্ঘটনাত অঞ্চলজুৰি শোঁকৰ ছা পেলাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।