নগাঁৱত আমছুৰ প্ৰতিবাদী কাৰ্যসূচী

নগাঁও: নগাঁও জিলাৰ আমছুৰ উদ্যোগত বটদ্ৰৱা আমছুৰ সহযোগত বটদ্ৰৱাৰ জামতল(কৰৈগুড়ি)ত সৰ্বানন্দ সোনোৱালৰ প্ৰতিকৃতি দাহ কাৰ্যসূচী ৰূপায়ণ হয়। হাতে হাতে প্লে কাৰ্ড লৈ আমছু কৰ্মীয়ে উদ্দাত্ত কণ্ঠৰে সৰ্বানন্দ সোণোৱাল মুৰ্দাবাদ, অসম চৰকাৰ হায় হায়, গৃহ বিভাগ মুৰ্দাবাদ, অসম পুলিচ গ' বেক, সীমান্ত আৰক্ষী হায় হায় আদি চৰকাৰবিৰোধী শ্ল’গানেৰে উত্তাল কৰি তোলে নগাঁও বটদ্ৰৱা ধিং সংযোগী ৰাজপথ।

উল্লেখ্য যে ৰাষ্ট্রপতি পুৰস্কাৰপ্ৰাপ্ত প্ৰাক্তন সেনা বিষয়া তথা অসম আৰক্ষীৰ বিষয়া সোণাওল্লাহ খানক বিদেশী ন্যায়াধীশৰ নিৰ্দেশমৰ্মে আৰক্ষীয়ে গ্ৰেপ্তাৰ কৰি গোৱালপাৰা ডিটেচন কেম্পত ৰখা কাৰ্যক তীব্ৰ অসন্তোষ্টি প্ৰকাশ কৰি এই প্ৰতিবাদী কাৰ্যসূচী ৰূপায়ণ কৰে। এই প্ৰতিবাদী কাৰ্যসূচীত ক্ষন্তেক সময়ৰ বাবে স্তব্ধ হৈ পৰে নগাঁও, বটদ্ৰৱা, ধিং সংযোগী গড়কাপ্তানী পথৰ যান-বাহন।