বৰপেটা: প্ৰধানমন্ত্ৰী নৰেন্দ্ৰ মোদীৰ মন্ত্ৰীসভাত এইবাৰো গুৰুত্বপূৰ্ণ দপ্তৰ লাভ কৰা ৰিপাব্লিকান পাৰ্টী অফ ইণ্ডিয়া(এ)ৰ ৰাষ্ট্ৰীয় সভাপতি ৰামদাস আথেৱালক শুকুৰবাৰে নিশা নতুন দিল্লীত সাক্ষাৎ কৰে দলটোৰ ৰাজ্যিক সাধাৰণ সম্পাদক(প্ৰশাসন) ৰেজাউল কৰিমে। এই কথা জানিবলৈ দিয়ে দলটোৰ ৰাজ্যিক সাধাৰণ সম্পাদকগৰাকীয়ে। নতুন দিল্লীত মন্ত্ৰীগৰাকীক সাক্ষাৎ কৰি অসমৰ কেইবাটাও গুৰুত্বপূৰ্ণ বিষয়ৰ ওপৰত আলোচনা কৰা হয়।
এই আলোচনা অনুসৰি অচিৰেই বৰপেটালৈ অহাৰ কথা জনায় কেন্দ্ৰীয় মন্ত্ৰীগৰাকীয়ে। উল্লেখ্য যে মোদী মন্ত্ৰীসভাত পুনৰ সামাজিক ন্যায় আৰু সৱলীকৰণ বিভাগৰ দপ্তৰ লাভ কৰা ৰামদাস আথেৱালে অসমৰ চৰ আৰু গ্ৰাম্যাঞ্চলৰ ৰাইজৰ উন্নয়নত গুৰুত্ব প্ৰদান কৰিছে।
বৰপেটা জিলাত নিৰ্মাণ হ'বলগা পথ নিৰ্মাণৰ শুভাৰম্ভ অনুষ্ঠানত কেন্দ্ৰীয় মন্ত্ৰী ৰামদাস আথেৱালে উপস্থিত থাকিব বুলি দলটোৰ ৰাজ্যিক সাধাৰণ সম্পাদকগৰাকীয়ে জানিবলৈ দিয়ে।
