ৰঙিয়াত ৰেল'ৱে নিযুক্তি পৰীক্ষাৰ বিনামূলীয়া প্ৰশিক্ষণ শিবিৰৰ আায়োজন

ৰঙিয়া: ৰঙিয়াত সদৌ অসম কামৰূপ জিলা ছাত্ৰ সন্থাৰ উদ্যোগত সদৌ ৰঙিয়া মহকুমা ছাত্ৰ সন্থা আৰু ৰঙিয়া আঞ্চলিক ছাত্ৰ সন্থাৰ সহযোগত বিনামূলীয়া ৰেল'ৱে নিযুক্তি পৰীক্ষাৰ বিনামূলীয়া প্ৰশিক্ষণ শিবিৰৰ আজি মুকলি কৰা হয়। ৰঙিয়াৰ ঐতিহাসিক হৰদত্ত-বীৰদত্ত ভৱনত দিনৰ ১১.৩০ বজাত অনুষ্ঠিত হোৱা মুকলি সভাখন শুভ উদ্বোধন কৰে সদৌ অসম ছাত্ৰ সন্থাৰ সভাপতি দীপাঙ্ক কুমাৰ নাথে।

সভাত ৰঙিয়া ৰে'লৱে সংমণ্ডলৰ বহু কেইজন বিষয়া উপস্থিত থকাৰ উপৰি ৰঙিয়া মহকুমাৰ নিৰ্বাচনী বিষয়াও উপস্থিত থাকি ৰে'লৱে প্ৰশিক্ষণৰ প্ৰয়োজনীয়তা সন্দৰ্ভত বক্তব্য ৰাখে। ৰঙিয়াত অনুষ্ঠিত হোৱা প্ৰশিক্ষণ শিবিৰত অংশগ্ৰহণ কৰা প্ৰায় তিনি শতাধিক প্ৰশিক্ষাৰ্থী উপস্থিত থাকে যদিও আছুৰ ফালৰ পৰা জানিব দিয়া মতে সাতশ ত্ৰিশগৰাকী প্ৰশিক্ষাৰ্থীয়ে ইতিমধ্যে উক্ত প্ৰশিক্ষণত নামভৰ্তি কৰিছে।