গৌৰীপুৰঃ ধুবুৰী আৰু কোকোৰাঝাৰ জিলাৰ সীমামূৰীয়া বি টি আৰৰ পৰ্বতঝোৰাৰা মহকুমাৰ বগৰীবাৰীৰ শালবাৰী বজাৰত আজি পুৱা আঠমান বজাত ভয়ংকৰ অগ্নিকাণ্ড সংগঠিত হৈছে। এই ভয়ংকৰ অগ্নিকাণ্ডৰ ফলত নিমিষতে সাতখনকৈ দোকান আৰু বিভিন্ন ধৰণৰ সা-সামগ্ৰী ভস্মীভূত হৈছে।
এই ভয়ংকৰ অগ্নিকাণ্ডৰ খবৰ পাই ধুবুৰী জিলাৰ পৰা অগ্নিনিৰ্বাপক বাহিনীৰ এটা সঁজাতী দলে গাড়ীলৈ ঘটনাস্থলীত উপস্থিত হয়৷ ইয়াৰ লগতে বগৰীবাৰী আৰক্ষী থানাৰ এটা বৃহৎ আৰক্ষীৰ সঁজাতী দল স্থানীয় ৰাইজৰ তৎপৰতাত সাপ্তাহিক বজাৰখনৰ বাকী দোকান ৰক্ষা পায়। স্থানীয় লোকৰ ভাষ্যমতে কেইবা লাখ টকাৰ ক্ষয়-ক্ষতি হৈছে।
মজিবৰ ৰহমান, ছাত্তাৰ আলী, আলি আকবৰ আদিকে ধৰি সাতজনকৈ লোকৰ দোকান এই অগ্নিকাণ্ডত পুৰি ভস্মীভূত হৈছে। বৈদ্যুতিক লাইনৰ পৰা এই অগ্নিকাণ্ডৰ সূত্ৰপাত হৈছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।