মাজুলীঃ বুধবাৰে উজনি মাজুলীৰ ৰতনপুৰ গাঁও পঞ্চায়তৰ অন্তর্গত ৰতনপুৰ গাঁৱত ৰাজেশ দলেৰ সভাপতিত্বত ৰাইজৰ দলৰ এখন সভা অনুষ্ঠিত হয়। সভাৰ আৰম্ভণিতে মাজুলী-নিমাতি ফেৰী দুৰ্ঘটনাত প্ৰাণ হেৰুৱাসকলৰ স্মৃতিত এক মিনিট সময় মৌন প্ৰাৰ্থনা জনোৱা হয়।
সভাত উদ্দেশ্য ব্যাখ্যা কৰে ৰাজেশ চাৰহে। সভাখনিত মাজুলীৰ বিভিন্ন দিশ আলোচনা কৰা হয়। বিশেষকৈ ফেৰী দুৰ্ঘটনাৰ লগত জড়িত মূল ব্যক্তিসকলক কৰায়ত্ত কৰিবলৈ মাজুলী প্ৰশাসনক আজিৰ সভায়ে দাবী জনায়। সভাখনিত শতাধিক নতুন কৰ্মীয়ে ৰাইজৰ দলৰ প্ৰতি আকৃষ্ট হৈ দলত যোগদান কৰে। আজিৰ সভাত উপস্থিত থাকে ৰাইজৰ দলৰ মাজুলী জিলাৰ সভাপতি বিষ্ণু দেউৰী, সাধাৰণ সম্পাদক প্ৰাণজিত ৰাজখোৱা, ৰাজেশ চাৰহ, ভাস্কৰ দেউৰীকে ধৰি প্ৰমুখ্যে সদস্যসকল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।