বটদ্ৰৱাঃ নগাঁও জিলাৰ আৰক্ষী অধীক্ষক আনন্দ মিশ্ৰক কেৰেপ নকৰে বটদ্ৰৱাৰ হাইডুবী গাঁৱৰ ড্ৰাগছ ব্যৱসায়ী আগজৰ আলীয়ে। বটদ্ৰৱা আৰক্ষী থানাৰ নিচেই কাষতে থকা হাইডুবী গাঁৱত নিজৰ বাসগৃহতেই এইজন কুখ্যাত ড্ৰাগছ মাফিয়াজনে এনেদৰে দিন দুপৰতে মুকলিভাৱে চলাই আহিছে নিষিদ্ধ ড্ৰাগছৰ ৰমৰমীয়া বেহা। যাৰ ফলত বৃহত্তৰ অঞ্চলৰ নৱ প্ৰজন্মই ড্ৰাগছৰ কঢ়াল গ্ৰাসত পৰি জীৱন ধংসৰ দিশে গতি কৰিছে।
কিন্তু নিৰৱ ভূমিকা গ্ৰহণ কৰি আহিছে বটদ্ৰৱা আৰক্ষীয়ে। ড্ৰাগছৰ বিৰুদ্ধে নগাঁও জিলাৰ আৰক্ষী অধীক্ষক আনন্দ মিশ্ৰই কঠোৰ স্থিতি গ্ৰহণ কৰিছে যদিও বটদ্ৰৱা আৰক্ষীয়ে নৰম স্থিতি গ্ৰহণ কৰা দেখা পোৱা গৈছে। ড্ৰাগছ মাফিয়া আজগৰ আলীৰ বিৰুদ্ধে কঠোৰ ব্যৱস্থা গ্ৰহণ কৰিবলৈ দাবী জনাইছে আমছুৰ নগাঁও জিলা সমিতিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।