জামুগুৰিহাটঃ শোণিতপুৰ জিলাৰ জামুগুৰিহাটৰ টৌভঙাত দেওবাৰে পুৱা ৰে’লৰ চিড়িত দুজনকৈ যুৱকৰ মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে৷ টৌভঙাৰ ৰে’লৰ আলিত প্ৰায় এক কিলোমিটাৰ দূৰত্বৰ ব্যৱধানত দুয়োজনৰে দেহ ৰে’লে কাটি থোৱা অৱস্থাত পুৱা আৰক্ষীয়ে উদ্ধাৰ কৰে৷
মৃত যুৱক দুজনৰ ভিতৰৰে চিন্নভিন্ন মৃতদেহৰ জনৰ ঘৰ নবিলৰ চিৰঞ্জীৱ মণ্ডল বুলি জানিব পৰা গৈছে যদিও আনজনক এই মূহুৰ্ত্বলৈকে চিনাক্ত কৰিব পৰা হোৱা নাই৷
স্থানীয় ৰাইজে জানিবলৈ দিয়ামতে কানত হেডফোন লৈ কথা বা গান শুনি থকা অবস্থাতে চিৰঞ্জীৱ মণ্ডলক নিশা ৰে’লে কাটি নিছে৷ সম্প্ৰতি দুয়োটা মৃতদেহ জামুগুৰি আৰক্ষীৰ সহযোগত উদ্ধাৰ কৰি ৰে’ল আৰক্ষীয়ে মৰণোত্তৰ পৰীক্ষাৰ ব্যৱস্থা কৰা বুলি জানিব পৰা গৈছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।