গৌৰীপুৰঃ কোকৰাঝাৰ জিলাৰ পৰ্বতঝোৰা মহকুমাৰ আৰক্ষীৰ বাহন আৰু বলৰো পিক আপ ভেনৰ মাজত ছাতাগুৰী ১৭ নং ৰাষ্ট্ৰীয় ঘাইপথত সংঘৰ্ষৰ ফলত দুৰ্ঘটনা সংঘটিত হয়।
আৰক্ষীৰ বাহনৰ চালক থিতাতে নিহত হয় আৰু তিনি গৰাকীকৈ আৰক্ষীৰ লোক ধুবুৰী অসামৰিক চিকিৎসালয়ত চিকিৎসাৰ বাবে প্ৰেৰণ কৰিছে৷ বৰ্তমান তিনিগৰাকী আৰক্ষী গুৰুতৰ অৱস্থাত আছে৷
নিশা নিয়ন্ত্রণ হেৰুৱাই আৰক্ষীৰ গাড়ীখনে WB63A 9912 নম্বৰৰ ব্ৰইলাৰৰ বাহনখনত খুন্দা মৰাৰ ফলত পথ দুৰ্ঘটনা সংঘটিত হয় বুলি জানিব পৰা গৈছে। মৃত আৰক্ষীৰ বাহন চালকৰ নাম বিজু বৰ্মন ঘৰ কোকৰাঝাৰ জিলাৰ বগৰীবাৰীত।
বগৰীবাৰী আৰক্ষী থানাৰ তিনি আৰক্ষীক সংকটজনক অৱস্থাত ধুবুৰী অসামৰিক চিকিৎসালয়ৰ পৰা গুৱাহাটী মেডিকেল কলেজ হাস্পতাললৈ প্ৰেৰণ কৰিছে। তিনি আৰক্ষীৰ নাম ক্ৰমে গৌৰাংগ ঘোষ, বিকাশ, হাছান তানিউজ্জামান বুলি জানিব পৰা গৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।