বিশ্বনাথঃ চতিয়াৰ বকৰাপট্টা অঞ্চলত কেইবাখনো দলঙৰ অৱস্থা অতি জৰাজীৰ্ণ। এই অঞ্চলতে বিদ্যালয়লৈ কণ কণ ছাত্ৰ-ছাত্ৰী টৌৰে বিদ্যালয়লৈ যোৱাৰ বাতৰি কিছু বছৰৰ আগতে প্ৰকাশ পাইছিল কিন্তু আজিও সেই অঞ্চলত এখনো দলং নিৰ্মাণ নহ’ল অঞ্চলটোত। যিসমূহ দলং আছে সেইদলং সমূহ বৰ্তমান পৰিণত হৈছে মৰণ ফাণ্ডলৈ।
যাৰ বাবে এই দলং কেইখনৰ ওপৰেদি প্ৰতিদিনে জাতায়ত কৰা হাজাৰ হাজাৰ লোক লগতে ছাত্ৰ-ছাত্ৰীসকলেও দুৰ্ভোগ ভোগিবলগীয়া হয়। তথাপি কিন্তু জনপ্ৰতিনিধি সকলে আজি পৰ্যন্ত চকু মেলি নাচালে এই অঞ্চল সমূহত।
যাৰ বাবে অতিষ্ঠ হৈ পৰিছে স্থানীয় ৰাইজ। সেইহে আজি দলং নিৰ্মাণৰ দাবীত অসম সংখ্যালঘূ সংগ্ৰাম পৰিষদে আজি সেই অঞ্চলত তিনি ঘণ্টীয়া অৱস্থান ধৰ্মঘট পালন কৰে দলং নিৰ্মাণৰ দাবীত।
উক্ত কাৰ্য্যসূচীত অংশগ্ৰহণ কৰে অসম সংখ্যালঘূ সংগ্ৰাম পৰিষদৰ কেন্দ্ৰীয় সমিতিৰ সহকাৰী সাধাৰণ সম্পাদক নাজিৰ আহমেদ, বিশ্বনাথ জিলা সমিতিৰ সভাপতি আলহাজ আব্দুল হাকিম চিকদাৰসহ প্ৰায় এক শতাধিক নেতা কৰ্মীয়ে উত্তাল প্ৰতিবাদ সাব্যস্ত কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।