লক্ষীপুৰঃ গোৱালপাৰ জিলাৰ জলেশ্বৰ সমষ্টিৰ অন্তৰ্গত খাৰুভাজ বায়চাৰ এখন ছোৱালী মহাবিদ্যালয় স্থানান্তৰক কেন্দ্র কৰি সমগ্ৰ জলেশ্বৰ সমষ্টিজুৰি চৰ্চা আৰম্ভ হৈছে। প্ৰাক্তন মুখ্যমন্ত্ৰী সৰ্বানন্দ সোণোৱালৰ কাৰ্যকালত উক্ত স্থানত মহিলা মহাবিদ্যালয়খন নিৰ্মাণৰ বাবে দিছিল মাটি আবণ্টন।
কিন্তু একাংশ দুষ্ট আৰু অসৎ লোকৰ কুটনীতিত মহাবিদ্যালয়খন অন্য ঠাইলৈ স্থানান্তৰ কৰাৰ যো-জা চলি আছে তাক লৈ সৰৱ হৈছে এতিয়া স্থানীয় যুৱ সমাজৰ লগতে অঞ্চলটোৰ ৰাইজসকল।
মহাবিদ্যালয়খন খাৰুভাজ বাইছাতে স্থাপন কৰাৰ দাবী জনাইছে অঞ্চলটোৰ সচেতন মহলে। অন্যথা তীব্ৰ আন্দোলন গঢ়ি তোলাৰ হুংকাৰ প্ৰদান কৰিছে স্থানীয় ৰাইজৰ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।