হোজাইঃ হোজাইৰ নখুটীত ভূমিকেন্দ্ৰিক বিবাদ৷ মাটি দালালৰ আক্ৰমণত মহিলাসহ চাৰিজন আহত৷ এজনৰ অৱস্থা সংকটজনক বুলি জানিব পৰা গৈছে৷ অভিযোগ অনুসৰি, হোজাইৰ নখুটীৰ ২ নং চাৰ্থেগাঁৱৰ ছাবিনা খাটুন নামৰ মহিলা গৰাকীয়ে ছয় গৰাকীৰ ভগ্নীৰ পৰা প্ৰায় ৬/৭ বছৰ মান পূৰ্বে ছয়বিঘা মাটি খেতি বাৰী কৰি ঘৰ সাজি বসবাস কৰি আহিছিল৷
কিন্তু তাজ উদ্দিন নামৰ এজন মাটি দালালৰ প্ৰৰোচনাত সেই মাটি ছয়বিঘাৰ ওপৰত নখুটীৰ আৰক্ষী পহৰা চকীত এক গোছৰ ৰুজু কৰে৷ গোছৰ চলি থকা সময়তে ছাবিনা খাটুন পৰিয়ালসহ বসবাস কৰি পাছতো যোৱা বুধবাৰে নিশা দহ মান বজাত, হুছাইন আহমেদ, ইন্টাজ আলি, ইবাহ উল্লাহ, আমান উল্লাহ, ছামছুউদ্দিন, গিয়াছউদ্দিন, তাজউদ্দিন আৰু মিনাজ উদ্দিন নামৰ লোককেইজনে বলপূৰ্বকভাৱে ঘৰ সাজিবলৈ চেষ্টা কৰে৷
ঘৰ সাজিবলৈ বাধা প্ৰদান কৰাত ছাবিনা খাটুন, বোৱাৰী কৰিমা বেগম কণ্যা শ্বেলিনা বেগম আৰু স্বামী আব্দুল হুছেইনক মাৰপিট কৰে৷ মাটি দালালৰ আক্ৰমণত গুৰুতৰ ভাৱে আহত হৈ বৰ্তমান মৃত্যুৰ সৈতে হোজাই হাম হাস্পতালত যুঁজি আছে আব্দুল হুছেইন৷ ইফালে নখুটী আৰক্ষীয়ে মাটি দালাল কেইজনক আটক কৰাৰ বিপৰীতে ৰক্ষনাবেক্ষণ দিয়াৰ অভিযোগ ভুক্তভোগীৰ৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।