বাহাৰঘাটঃ কামৰূপ জিলাৰ হাজো সমষ্টিৰ অন্তৰ্গত কঞাঁ বৰপূল্লা গাঁও পঞ্চায়তত আজি জাতিৰ পিতা মহাত্মা গান্ধীৰ ১৫২ তম জন্মজয়ন্তীৰ লগত সংগতি ৰাখি এখন বিশেষ গাঁওসভা অনুষ্ঠিত হয়৷
আজি দিনৰ ভাগত পঞ্চায়ত সভাগৃহত সভাপতি দীনেশ ভূঞাঁৰ সভাপতিত্বত অনুষ্ঠিত হোৱা সভাখনত বিগত ২০১১ চনৰ অতিৰিক্ত প্ৰধানমন্ত্ৰী আৱাস যোজনাৰ হিতাধিকাৰীৰ তালিকা পাঠ কৰাৰ লগতে এম জি এনৰেগা আৰু অন্য আঁচনিৰ কেইবাটাও নতুন আঁচনি সৰ্বসন্মতভাৱে গ্ৰহণ কৰে৷
সভাৰ আৰম্ভণিতে গান্ধীজীৰ প্ৰতিচ্ছবিত মাল্যৰ্পন আৰু স্বচ্ছ অভিযান কাৰ্য্যসূচী ও ৰূপায়ণ কৰে৷ ইয়াৰোপৰি সমষ্টিটোৰ অন্তৰ্গত বাৰাংহাটী গাঁও পঞ্চায়ত কাৰ্য্যালয়টো এখন গাঁওসভা অনুষ্ঠিত কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।