ৰঙিয়াঃ আজি ৰঙিয়া পৌৰসভা কাৰ্যালয়ত অনুষ্ঠিত হোৱা এক কার্য্যসূচীত গান্ধী জয়ন্তীৰ লগত সংগতি ৰাখি বহু কেইটা কাৰ্য্যসূচী পালন কৰা হয়।ৰাজ্যিক বিজেপিৰ সভাপতি ভবেশ কলিতাই ৰঙিয়া নগৰবাসী ৰাইজৰ সুবিধাৰ্থে আজি এটা এপ মুকলি কৰে এপ তোৰ নাম হল 'RMB সহজ'। এই এপ তোৰ জৰিয়তে ৰাইজে কৰ, ৰুম ভাড়া আৰু ট্ৰেড লাইচেন্স আদিৰ কাম কৰিব পাৰিব। লগতে ৰঙিয়া চহৰখনক চাফ-চিকুণ কৈ ৰখাৰ বাবে চাফাই কৰ্মচাৰীসকলৰ বাবে ট্ৰাই চাইকেল সেৱা মুকলি কৰে।
আনহাতে ভূপেন বৰাই, চেৰমান আলি হিমন্তৰ এজেন্ট বুলি কোৱা মন্তব্যৰ উত্তৰত ভবেশ কলিতাই কয় যে "যদি হয় চেৰমান আলিক বহিষ্কৃত কৰিব কোনে বিজেপিয়ে কৰিব নেকি? এই বুলি প্ৰশ্ন কৰে লগতে তেওঁ কয় যে কংগ্ৰেছ দলে অসমীয়া জাতিৰ দুশমন(শত্ৰু), তেওঁলোকৰ দিনতে 855 জন শ্বহীদ হৈছিল আৰু আজি চেৰমান আলিৰ জৰিয়তে আকৌ এবাৰ সেই শ্বহীদ সকলক হত্যা কৰিলে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।