ডুমডুমাঃ ডুমডুমা আৰক্ষীয়ে ড্ৰাগছ বিৰোধী অভিযান অব্যাহত ৰাখি নিশা ৩ জন ড্ৰাগছ সৰবৰাহকাৰীক ড্ৰাগছসহ গ্ৰেপ্তাৰ কৰিবলৈ সক্ষম হয়| গোপন সূত্ৰৰ পম খেদি ডুমডুমা থানাৰ পৰিদৰ্শক অসীম বৰাৰ নেতৃত্বত আৰক্ষীৰ এটা দলে নিশা প্ৰায় ১১ বজাত ডুমডুমাৰ শংকৰদেৱ কলনিত অভিযান চলাই বাদলাবেটা চাহ-বাগিচা ১০ নং লাইনৰ নিবাসী ড্ৰাগছ সৰবৰাহকাৰী আকাশ দাস পানিকা নামৰ যুৱক এজনক ৬ গ্ৰাম ড্ৰাগছসহ গ্ৰেপ্তাৰ কৰে|
ধৃত যুৱক জনক সোধপোচ কৰাত কাকপথাৰ ২ নং চেলেংগুৰিৰ আন এগৰাকী ড্ৰাগছ সৰবৰাহকাৰীৰ সম্ভেদ লাভ কৰি আৰক্ষীয়ে গকুল নেওগ নামৰ যুৱকজনক গ্ৰেপ্তাৰ কৰে| এই সন্দৰ্ভত ডুমডুমা আৰক্ষীয়ে ৪১৫/২১ নম্বৰত এক গোচৰ ৰুজু কৰে| আনহাতে আজিপুৱা ৮:৩০ বজাৰ আন এক অভিযানত ডুমডুমা দলঙৰ সমিপৰ জয়ৰাম গুপ্তা নামৰ আন এজন ড্ৰাগছ সৰবৰাহকাৰীক গ্ৰেপ্তাৰ কৰে|
আৰক্ষীয়ে জানিবলৈ দিয়া মতে যুৱকজনৰ পৰা ১৯ গ্ৰাম ড্ৰাগছ আৰু ৩,৫৫০ টকা নগদ উদ্ধাৰ কৰি ৪১৬/২১ নম্বৰত আন এক গোচৰ ৰুজু কৰি ৩ গৰাকী ড্ৰাগছ সৰবৰাহকাৰীক আদালতত হাজিৰ কৰি জেল হাজোতলৈ প্ৰেৰণ কৰে|
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।