লাহৰিঘাটঃ লাহৰিঘাটত চাঞ্চল্যকৰ ঘটনা। প্ৰায় ১ মাহ ধৰি কৰ্মসূত্ৰে লামদিঙত আছিল লাহৰিঘাটৰ বৰবৰী গাঁৱৰ খাইৰুল ইছলাম। হঠাৎ যোৱাকালি খাইৰুলৰ জ্বৰ হোৱা বুলি পৰিয়ালৰ লোকক ঠিকাদাৰে জানিব দিয়ে।
পৰিয়ালৰলোকে উক্ত খবৰ লাভ কৰি নিজ গৃহত খাইৰুলক লৈ আনিবলৈ থিকাদাৰক অনুৰোধ জনায় যদিও আজি পোৱা খাইৰুলৰ মৃতদেহ তেখেতৰ লগত কাম কৰিব যোৱা কেইজনমান যুৱকে কোনেও গম নোপোৱাকৈ আজি পোৱা প্ৰায় ৫ মান বজাত নিজ গৃহৰ ৰাস্তাৰ কাষত পেলাই থৈ যাবলৈ চেষ্টা কৰাত ৰাইজে হাতে লুতে ধৰা পেলায় যুৱক কেইজনক।
উক্ত ঘটনাৰ পিছতেই অঞ্চলজুৰি তীব্ৰ চাঞ্চল্যৰ সৃষ্টি হৈছে। উক্ত ঘটনাৰ খবৰ পায় লাহৰিঘাট আৰক্ষী ঘটনাস্থলীত উপস্থিত হৈ যুৱক কেইজনক থানালৈ লৈ যায় বুলি জানিব পৰা গৈছে। পৰিয়ালৰ লোকৰ মতে এয়া এক পৰিকল্পিত হত্যাকাণ্ড। আৰক্ষীৰ তদন্ততহে ওলাই পৰিব প্ৰকৃত ৰহস্য।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।