বাইহাটা চাৰিআলিঃ গুৱাহাটীৰ পৰা বৰপেটা ৰোড অভিমুখী AS01LC4239 নম্বৰৰ জেচিকা ট্ৰেভেলছৰ আলট্ৰা বাছৰ খুন্দাত থিতাতে নিহত এগৰাকী মহিলা।নিহত মহিলা গৰাকী ৰঙিয়াৰ ধুহিবালা গাঁৱৰ জুবেদা বেগম বুলি জানিব পৰা গৈছে।
দুৰ্ঘটনাটোত আলট্ৰা বাছখনত থকা শিশু মহিলাসহ প্ৰায় ৩৫ গৰাকী যাত্ৰী গুৰুতৰভাৱে আহত হয়। আহত যাত্ৰীসকলক স্থানীয় ৰাইজৰ সহযোগত কমলপুৰ মহাত্মা গান্ধী আদৰ্শ চিকিৎসাললৈ প্ৰেৰণ কৰা হয়। ইয়াৰে আঠ গৰাকী যাত্ৰীক অতি সংকটজনক অৱস্থাত উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।