কলগাছিয়াঃ বৰপেটা জিলাৰ কলগাছিয়া অসম গ্ৰামীণ বিকাশ বেংকৰ গ্ৰাহকসকলে দীৰ্ঘদিন ধৰি বেংকৰ লেনদেনৰ ক্ষেত্ৰত সমস্যাৰ সন্মুখীন হৈ আছে। অঞ্চলটোৰ শ শ লোকে ধন থবলৈ বা উলিয়াবলৈ ৰাতিপুৱাৰে পৰা শাৰী পাতিবলগীয়া হৈছে।
বহু গ্ৰাহকে আকৌ দীঘলীয়া শাৰী পাতি শেষত বিমুখ হবলগীয়া হৈছে কিয়নো বেংকটোত শ শ ৰাইজৰ বিপৰীতে কৰ্মচাৰীৰ অভাৱত মাত্ৰ এটা কাউন্টাৰত চলে লেনদেন। মুঠৰ ওপৰত বেংকত আহিলে গ্ৰাহকৰ মাজত হাহাকাৰ পৰিস্থিতিৰ সৃষ্টি হৈ যায়।
একাংশ সচেতন ব্যক্তিয়ে জানিব দিয়া মতে ৰাইজৰ অসুবিধাৰ প্ৰতি শাখা পৰিচালকৰ কোনো গুৰুত্ব নাই। যাৰ বাবে ৰাইজৰ মাজত তীব্ৰ উত্তেজনাৰ সৃষ্টি হয়। গতিকে এই অসুবিধা উদ্ধাৰৰ কাৰণে বেংক কৰ্তৃপক্ষক আহ্বান জনাইছে আৰু অধিক কাউণ্টাৰ খোলাৰ দাবী জনোৱাৰ লগতে বেংকৰ আন সমস্যাসমূহ সমাধানৰ দাবী জনাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।