মৰিয়নিঃ মৰিয়নিত সোমবাৰে নিশা সংঘটিত হয় নৃশংস হত্যাকাণ্ড। ক’ভিড ভেকচিন লৈ ঘৰলৈ উভতি অহাৰ পলম হোৱাৰ বাবেই অঘটন। চেলেংহাট আৰক্ষী চকীৰ অন্তৰ্গত নতুন লোনপুৰীয়াত সংঘটিত হৈছে এই ঘটনা। নতুন লোনপুৰীয়া গাঁৱৰ গিৰিশ গগৈ নামৰ লোকজনে পত্নীক ঘৰৰ ভিতৰতে নৃশংসভাৱে হত্যা কৰে। ব্যক্তিজনে পত্নীৰ লগত দিনত ক’ভিড ভেকচিন লৈ ঘৰলৈ উভতা পলম হোৱাক লৈ কাজিয়াত লিপ্ত হয়।
আনহাতে গিৰিশ গগৈয়ে পত্নীক অকথ্য অত্যাচাৰ কৰি হত্যা কৰাৰ সন্দেহ কৰিছে স্থানীয়লোকৰ লগতে আৰক্ষীৰ। পত্নীক হত্যা কৰা পাছতে হত্যাকাৰী গিৰিশ গগৈয়ে সমীপৰ চেলেংহাট আৰক্ষী চকীত উপস্থিত হৈ পত্নীয়ে আত্মহত্যা কৰা বুলি অৱগত কৰে। আৰক্ষীয়ে মহিলাগৰাকীৰ মৃতদেহ উদ্ধাৰ কৰা পাছতে গিৰিশ গগৈক গ্ৰেপ্তাৰ কৰে। পৰিয়ালৰলোকে জানিবলৈ দিয়া মতে গিৰিশ গগৈয়ে পত্নীক দীৰ্ঘদিনৰ পৰা সন্দেহৰ বশৱৰ্তী হৈ নিৰ্যাতন চলাই আহিছিল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।