কলগাছিয়াঃ কলগাছিয়া আৰক্ষী থানাৰ অন্তৰ্গত বালাৰপাথাৰ গাঁৱত ভয়ংকৰ পথ দুৰ্ঘটনা। জানিব পৰা মতে কলগাছিয়া অভিমুখে আহি থকা AS19C3139 নম্বৰৰ বলেৰ' গাড়ীয়ে বিপৰীত দিশৰ পৰা তিনিচকীয়া ই ৰিক্সাত মুখামুখী খুন্দা খোৱাৰ ফলত ই ৰিক্সাৰ চালকৰ লগতে এজন আৰোহী আঘাতপ্ৰাপ্ত হয় যদিও চাৰিচকীয়া বাহনৰ চালকজন ইতিমধ্যে পলাতক হৈ আছে।
ইপিনে ই-ৰিক্সাৰ চালকৰ লগতে আৰোহীজনক লগে লগে স্থানীয় ৰাইজে বৰপেটা অসামৰিক চিকিৎসালয় কলগাছিয়াত ভৰ্তি কৰে। এই ঠাইখিনিত ইয়াৰ আগে পিছে কেইবাবাৰো দুৰ্ঘটনা সংগঠিত হৈ আহিছে যদিও প্ৰশাসনৰ পৰা কোনো ধৰণৰ গুৰুত্ব দিয়া নাই যাৰবাবে ৰাইজে পথটো বহল আৰু দুয়ো পাৰে থকা বাঁহনি ছাফা কৰি দিয়াৰ লগতে গতিৰোধক (speedbreaker)ৰ ব্যৱস্থা কৰি দিয়াৰ বাবে বিভাগীয় কৰ্তৃপক্ষক আহ্বান জনাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।