টীয়কঃ নিৰ্দোষী লোকো জালত পৰিছে নেকি আৰক্ষীৰ! যোৰহাট কাণ্ডই লৈছে নতুন মোৰ৷ ১৩ অভিযুক্তৰ মাজত থকা সুভাষ বৰাৰ পক্ষত থিয় দিছে এখন গাঁওৰ অধিকাংশ জনতাই৷ পৰিয়ালৰ ভাষ্য অনুযায়ী ঘটনা সংঘটিত হোৱাৰ সময়ত নাছিলেই সুভাষ বৰা৷ সুভাষ বৰা গৈছিল দোকানৰ সামগ্ৰী আনিবলৈ৷ কিন্তু বিনা কাৰণতেই আৰক্ষীয়ে বজাৰ কৰি থকাৰ সময়তে আটক কৰে সুভাষক৷ আটক কৰাৰ সময়ত সুভাষ বৰাৰ গাড়ীৰ কৰ্মচাৰীয়ে একো তলকিবই নোৱাৰিলে৷ অভিজিত শইকীয়া নামৰ কৰ্মচাৰীয়ে দিয়া ভাষ্য অনুযায়ী কোনো প্ৰকাৰেই জড়িত নহয় আক্ৰমণৰ সময়ত৷ কোনো ভিডিঅ ক্লিপত নাছিল সুভাষ ছবি৷ এতিয়া মানসিকভাৱে ভাঙি পৰিছে পৰিয়ালৰ লোক আৰু গাঁওবাসী৷ যোৰহাটৰ পৰা ৭০ কি মি নিলগত থকা ভগামুখ আৰক্ষী থানাৰ সমীপত আজি এইদৰেই আৱেগিক হৈ পৰে লোকসকল৷ সমগ্ৰ বিষয়টোয়ে বিৰাজ কৰিছে চাঞ্চল্য৷ কোন সঁচা কোন মিছা সকলো পোহৰলৈ আহিব আৰক্ষীৰ নিখুঁট তদন্তত৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।